tg-me.com/Mostafazadeh2/20739
Last Update:
پڕۆژەی حسێنییە کردنی کۆشکی سپی
دەستی پێکرد!!!
کوتی:ئەو بەرپرسانەی ئێمە کە ئەوەندە
لافی ژیانی بە ساکاری‌و خەڵکی بوون و شۆڕشگێڕی لێدەدەن،بۆچی منداڵەکانی
خۆیان بە تەیارە بۆ وڵاتانی فەڕەنگ و ئامریکا دەنێرن،تا لەوێ هەڵدەن و گەشە
بکەن؟؟؟!!!
کوتم:تۆ چیرۆکی حەزرەتی مووسات خوێندۆتەوە،کە دایکی لە قەرتاڵەیەکی
خست و لە چۆمی نیلی هاویشت؟
کوتی:بەڵێ خوێندوومەتەوە.بە پێی قسەی پەروین ئیعتسامی کە دەڵێ:
دایکی مووسا کە مووسای لە نیل هاویشت.
بە قسەی خودای گەورە:
قەرتاڵەکە بە بەر دەرگای فیڕعەون دا ڕۆیشت.
ئاسیە گرتێوە و مووسای دەرهێنا و پەروەردەی کرد و پاشان مووسا بە دژی فیڕعەون هەستا و شۆڕشی کرد و
سەرکەوت،جا ئێستا ئەو چیرۆکە چ پێوەندێکی بە سەفەری
ئاغازادەکانەوە لە وڵاتی کافران
هەیە؟؟!!!
کوتم:بەرپرسانی دیندار و لە خواترس،بە پێی‌پێشکەوتنی
تکنۆلۆژی ڕۆژی دنیا، ئێستا
منداڵەکانیان بە جێی قەرتاڵە
لە ناو تەیارە دەخەن،تا لەوێ
گەشە بکەن و پاشان، دژی
کافران هەستن و شۆڕش بکەن،
تەنانەت وای لێ‌دێ کۆشکی سپی
بکەنە حسێنییە!!!
کوتی:ئاوا تازە تێگەیشتم،بۆچی ئاغازادەکان وەک سێڵاو بەرە و وڵاتانی کافر دەڕۆن!!!
ڕێکاری ئەوانە زۆر باش و جوانە!!!
وە بێ‌گوومان بە سەرکەوتن دەگا،بە
تایبەت ئەوەی کە حەزرەتی مووسا بە
تەنیا بوو و باوکیشی بەرپرس نەبوو،بەڵام ئەوانە هەزاران کەسن و باوکی هەمووشیان بەرپرسن!
کۆتم:فێڵەزان وا دیسانیش کاغەزت لە ڕەشی خوێندەوە؟!
شفیعی مطهر
#وەرگێڕان_نادرمستەفازادە
کاناڵی ژیان جوانە
http://www.tg-me.com/jp/ژیان جوانه/com.Mostafazadeh2
BY ژیان جوانه
Share with your friend now:
tg-me.com/Mostafazadeh2/20739